Nia ya Sala ya Baba Mtakatifu
Kuunganisha Sala na matendo kukabili changamoto za wanadamu na utume wa Kanisa
Kila mwezi · Pamoja na Papa · Sauti Moja · Ulimwenguni Pote
Nia ya Sala
Kila mwezi, Baba Mtakatifu anatoa nia ya Sala kwa Mtandao wake wa Sala Ulimwenguni. Nia hizi huonesha jinsi Kanisa analoliongoza linavyowajali sana wanadamu na Utume wa Kristo lililokabidhiwa. Nia hizi ni mwito kwa watu wote ulimwenguni kufanya matendo mema. Zinatuelekeza tunaosali kuziweka Sala zetu katika matendo yenye mguso chanya kwa maisha ya watu, na kuutazama ulimwengu kwa moyo wa huruma wa Kristo.
Tukisali pamoja na Mama Malkia wa Mitume
SALA YA MAJITOLEO YA KILA SIKU
Kuishi Kama Mitume wa Sala
Ushiriki wa Wazi
Uko wazi kwa kila mbatizwa. Inahusisha kuingiza Nia za Sala za Papa katika Sala za kila siku na kushiriki hasa Ijumaa ya Kwanza ya kila mwezi. Inaweza kufanywa na watu binafsi au vikundi kama wanakwaya, watumishi wa altare, wanafunzi, na jumuiya mbalimbali.
Uanachama wa Utume
Ni njia ya kina zaidi kwa kuanzisha uhusiano na ofisi husika. Inajumuisha malezi, mikutano, mafungo na kufuatilia taarifa rasmi. Inaweza kuwa ya mtu binafsi au ya kikundi/jumuiya yenye muundo wa kitume.
Mtu Binafsi
Kuishi nyakati tatu za Sala kila siku: Asubuhi (Sala ya kujitoa), Mchana, na Usiku. Lengo ni kukua katika urafiki wa karibu na Bwana, kwa pamoja na Mama Maria.
Kikundi/Jumuiya
Jumuiya za parokia, shule, vyuo au vikundi vya kitume hushiriki Sala, malezi, mafungo na matendo ya huruma; pia huunga mkono Vijana Wana-Ekaristia (EYM).
Wakfu Binafsi
Kwa wenye wito wa ukaribu na Moyo Mtakatifu wa Yesu. Hufanya agano rasmi na Kanisa, wakijiweka tayari kuhudumia familia ya Mtandao wa Sala na EYM.